Bakı Dövlət Universiteti Kimya fakültəsi

Kimya fakültəsinin əməkdaşları və tələbələri 8 noyabr Zəfər Günü ilə əlaqədar II Fəxri xiyabanda şəhidlərin məzarını ziyarət etdi. Vətənimizin müstəqilliyi və ərazi bütövlüyü uğrunda gedən döyüşlərdə həlak olmuş Şəhidlərimizin unudulmaz xatirəsi hörmət və ehtiramla yad edilib. Xalqımıza Qələbə bəxş edən şəhidlərimizin ruhlarına dualar oxundu, məzarları üzərinə gül-çiçəklər düzüldü. Müzəffər Ali Baş Komandan, Prezident İlham Əliyevin rəhbərliyi ilə baş tutan Azərbaycan Ordusunun İkinci Qarabağ müharibəsində iştirak edən hər bir əsgər və zabitinin böyük Zəfərimizin əldə olunmasında göstərdikləri  misilsiz xidmətlər, onların qəhrəmanlıqları heç zaman unudulmayacaq. Şəhidlərimizin  keçdiyi döyüş yolu gələcək nəsillər üçün nümunədir. Vətən uğrunda canını fəda edən qəhrəmanların ölməz xatirəsi əbədiyyətədək xalqımızın yaddaşında yaşayacaq, onların xatirəsinin dövlətimiz tərəfindən daim uca tutulacaqdır. Gənclər arasında milli-mənəvi dəyərləri tərənnüm etmək, tələbələrin vətənpərvərlik ruhunda tərbiyəsi işinin davamlı təşkilinə nail olmaq əsas hədəflərimizdən biridir.   Əziz şəhidlərimiz ruhunuz şad, məkanınız cənnət olsun!  Azərbaycanın şanlı bayrağı, işğaldan azad edilmiş torpaqlarda, ən uca zirvələrdə əbədi dalğalanacaq. Şəhidlik zirvəsinə ucalmış qəhrəman igidlərimizin əziz xatirəsi qəlbimizdə əbədi yaşayacaq !