Professor Teymur İlyaslının 75 illik yubileyidir
Bakı Dövlət Universitetinin tələbələrinin və əməkdaşlarınin dərin hörmətini qazanmış Kimya fakültəsinin “Ümumi və qeyri-üzvi kimya” kafedrasının professoru Teymur Məhəmməd oğlu İlyaslının 75 illik yubileyidir. Teymur müəllim 1988-1992-ci illərdə "Qeyri-üzvi materialşünaslıq" ETL-in müdiri, 1999-2005-ci illərdə Bakı Dövlət Universiteti Kimya fakültəsinin dekan müavini, 2005-2012-ci illərdə "Ümumi və qeyri-üzvi kimya" kafedrasının müdir əvəzi, 2002-2013-cü illərdə Bakı Dövlət Universitetinin Elmi Şurasının elmi katibi, 2012-2022-ci illərdə “Ümumi və qeyri-üzvi kimya“ kafedrasının müdiri vəzifələrində çalışmaqla yanaşı Rusiya Təbiət elmləri akademiyasının müxbir üzvü seçilmişdir. O, 500-dən çox elmi əsərini, 10-dan çox dərslik və dərs vəsaitinini, 15 patentin müəllifidir. Onun rəhbərliyi ilə 15 nəfər elmlər namizədi, 30-dan çox magistr hazırlanmışdir. Əziz Teymur müəllimi yubleyi münasibətilə ürəkdən təbrik edir, ona sağlam uzun ömür və elmi-pedaqoji fəaliyyətində uğurlar arzulayırıq.
