Şura BDU-da aparılan elmi-tədqiqatların əsas istiqamətləri üzrə tədqiqat fəaliyyətini uğurla həyata keçirən ən fəal bakalavr, magistrant, doktorantların, eləcə də gənc fəlsəfə və elmlər doktorlarının könüllü birliyidir, daimi fəaliyyət göstərən məsləhətçi, analitik və əlaqələndirici orqandır.
Şuranın əsas məqsədləri:
- aktual elmi problemlərin işlənib hazırlanmasında və prioritet elmi problemlərin həllində iştirak;
- gənc alimlərin peşəkar inkişafının təşviqi;
- gənc alimlərin beynəlxalq əlaqələrinin möhkəmləndirilməsi və genişləndirilməsi;
- gənc alimlərin elmi-tədqiqatlarına informasiya dəstəyi;
- elmin ən son nailiyyətlərinin populyarlaşdırılması.
Şuranın əsas fəaliyyət istiqamətləri:
Elmi fəaliyyət
Gənc alimlər üçün elmi-metodiki tədbirlərin təşkili, elmi-tədqiqat və tədris layihələrində iştirak, BDU-nun tələbə və əməkdaşlarının fəal elmi fəaliyyət göstərməsi, müsabiqələrdə, konfranslarda, dəyirmi masalarda, forumlarda, eləcə də digər tədbirlərdə iştirakına həvəsləndirmə sisteminin formalaşdırılması.
Beynəlxalq fəaliyyət
Gənc alimlərin beynəlxalq fəaliyyət sahəsində səriştələrinin inkişaf etdirilməsi, beynəlxalq proqram və layihələrdə iştirakının təşviqi.
Media strategiyası
- BDU-nun Gənc Alimlər Şurasının brendinin yaradılması, müsbət imicinin saxlanması və populyarlaşdırılması;
- BDU-nun gənc alimlərinin fəaliyyətinin sosial mediada fəal işıqlandırılması.
Elmi fəaliyyətin kommersiyalaşdırılması
BDU-da sahibkarlıq fəaliyyətinin inkişaf strategiyasının müəyyən edilməsində gənc alimlərin iştirakının təmin edilməsi.