"BDU könüllüləri" təşkilatı

"BDU Könüllüləri” təşkilatı 2019-cu ildən fəaliyyət göstərir. Hazırda təşkilat özündə 1000-ə yaxın könüllü tələbəni birləşdirir.

Təşkilat 2020-ci ildən başlayaraq bir sıra uğurlu layihələr həyata keçirib, BDU-da könüllülük hərəkatının genişlənməsi, tələbə təşkilatları ilə birgə sosial layihələrin, mədəni-kütləvi tədbirlərin təşkilində fəal iştirak edib.

Hazırda könüllü tələbələr BDU-nun müxtəlif struktur bölmələrində könüllü kimi fəaliyyət göstərir. Universitetin ictimai həyatında fəal iştirak edir və gələcək karyeraları ilə bağlı təcrübələr əldə edirlər.

Bugünə qədər “BDU Könüllüləri” təşkilatının təşəbbüsü ilə müxtəlif səpkili 250-dən çox tədbir keçirilib. Hal-hazırda “BDU Könüllüləri” təşkilatının 60 könüllüsü Universitetin müxtəlif struktu bölmələrində minimum 3 ay olmaqla aktiv fəaliyyət göstərirlər.

Universitetin könüllüləri həmçinin ölkəmizdə həyata keçirilən irimiqyaslı beynəlxalq və respublika əhəmiyyətli tədbir, sosial layihə və humanitar aksiyalarda fəal iştirak etməklə respublikamızda uğurla həyata keçirilən gənclər siyasəti və könüllülük hərəkatına öz töhfələrini verirlər. Bunun bariz nümunəsi kimi Laçın-Xankəndi yolunda təşkil olunan ekoloji aksiyada 450-dən artıq BDU könüllüsü iştirak edib.

"BDU Könüllüləri" təşkilatı könüllülük sahəsində əməkdaşlığın möhkəmləndirilməsi və ölkəmizdə fəaliyyət göstərən digər könüllü təşkilatları ilə əlaqələrin qurulmasına xüsusi diqqət yetirir. Eyni zamanda gənclər arasında könüllülüyün təşviqi və təbliği, könüllülük sahəsində qarşılıqlı faydalı əməkdaşlığın qurulması ilə bağlı mövcud beynəlxalq təcrübənin öyrənilməsinə səy göstərir.

BDU-da könüllülk hərəkatının daha da genişləndirilməsi, təşkilatın fəaliyyətinin təkmilləşdirilməsi məqsədilə Bakı Dövlət Universitetinin Elmi Şurasının 2023-cü il 27 oktyabr tarixli iclasında könüllük proqramı və BDU-da könüllülük fəaliyyəti qaydaları təsdiq edilməklə “BDU könüllüləri” təşkilatına rəsmi status verilib.

"BDU Könüllüləri" təşkilatının Kimya fakültəsinin vəzifələri aşağıdakı kimidir:

- Fakültədə mədəni-kütləvi tədbirlərin keçirilməsi

- Fakültədə keçirilən müxtəlif konfranslarda könüllü dəstəyinin təmin olunması

- Fakültədə asudə vaxtın səmərəli təşkili istiqamətində görüşlərin keçirilməsi

- Tələbələrin maraq və meyillərinin öyrənilməsi, fikir və layihələrinin həyata keçirilməsi

- Tələbələrin müxtəlif sahələrdə bacarıqlarının üzə çıxarılması və inkişafı istiqamətində işlərin görülməsi

- Fakültədə tələbələrin könüllü fəaliyyətinin təşviqi və təbliği

- Fakültədə könüllü hərəkatının genişləndirilməsi

- Təşkilatda həyata keçirilən layihələr haqqında fakültənin məlumatlandırılması

"BDU Könüllüləri" təşkilatının Kimya fakültəsi üzrə sədri: Röyal Yusifli

"BDU Könüllüləri" təşkilatının Kimya fakültəsi üzrə birinci dərəcəli sədr müavini: Əli Əsgərov

"BDU Könüllüləri" təşkilatının Kimya fakültəsinin tələbələrlə iş üzrə sədr müavini: Gülər Əliyeva

"BDU Könüllüləri" təşkilatının Kimya fakültəsinin daxili məsələlər üzrə sədr müavini: İlkanə Məmmədova

"BDU Könüllüləri" təşkilatının Kimya fakültəsinin idarə heyəti:

Nilufər Qədirli - Könüllülərlə iş üzrə məsul şəxs

Nazlı Məmmədova - Layihələrlə iş üzrə məsul şəxs

Sevil Biyalıyeva - Təcrübə könüllüləri ilə iş üzrə məsul şəxs

Aynur Hacıyeva - İctimaiyyətlə əlaqələr üzrə məsul şəxs

Ruslan Cənnətov - Sənədlərlə iş üzrə məsul şəxs

Adəm Səfərov

Ayna Hümbətova

Günel Məmmədova