İstiqamət: Polimer kimyası, polimer kompozisiyaları və nanomateriallar
1. Polimer fırçalar əsasında yeni növ kompozitlərin sintezi və xassələrinin tədqiqi
Mövzunun rəhbəri: professor Rasim Alosmanov
İcraçılar: İradə Bünyadzadə
Məqsəd: Termohəssas polimer kompozitlərin sintez üsullarının işlənilib hazırlanması və xassələrinin tədqiqi
Nəticə: Poli-N-izopropilakrilamid əsaslı polimer fırça və dəmir oksidlərindən ibarət kompozitlərin sintezi həyata keçirilmiş və onun sorbsiya xassələri tədqiq edilmişdir
Təcrübi əhəmiyyəti: Müxtəlif su hövzələri və mürəkkəb tərkibli tullantı sularından metal ionları, eləcə də toksiki üzvi birləşmələrin selektiv şəkildə kənarlaşdırlması ətraf mühitin qorunması, ekoloji tarazlığın saxlanması, təbii ehtiyatlara qənaət olunması baxımından perspektivlidir və bu məqsədlə yeni nəsil materialların sintez üsullarının işlənilib hazırlanması günümüzün actual problemlərindən hesab edilir
2. Seolit və butadien nitril kauçukunun oksigen iştirakı ilə fosfoxlorlaşdırılması və xassələrinin öyrənilməsi
Mövzunun rəhbəri: professor Abdulsəyid Əzizov
İcraçılar: Ofeliya Balayeva
Məqsəd: Seolit və butadien nitril kauçukunun (BNK) həlledicidə qarışıq məhlulun alınması və oksigen iştirakı ilə fosfoxlorlaşdırılması
Nəticə: Seolit və butadien nitril kauçukunun həlledicidə qarışıq məhlulu alınmış, oksigen iştirakı ilə fosfoxlorlaşdırılmış və alınmış kompozitin ağır metal ionlarını sulu məhlullardan sorbsiya etmə qabiliyyəti öyrənilmişdir. CuS, Ag2S və CdS/BNK-seolit nanokompozitləri sintez edilmiş, fiziki tədqiqat metodları ilə xassələri araşdırılmışdır
Təcrübi əhəmiyyəti: Butadien kauçuklarından alınan rezin aşağı temperatura, sürtünməyə, aşınmaya qarşı davamlı olur. Bu tip sintetik kauçuklara butadien- nitril kauçuku da aiddir. Butadien – nitril kauçukları xüsusi xassələrə malik olması ilə fərqləndirilir. Seolit çox yaxşı təbii sorbentdir. Onun butadien nitril kauçuku ilə fosfoxlorlaşdırılması və alınan kompozitin yeni mühüm xassələrə malik olması işin əsas təcrübi əhəmiyyətini əhatə edir
3. Malein anhidridi-stirol birgə polimeri əsasında polifunksional sorbentlərin alınması və onların müxtəlif boyaq maddələrinə qarşı sorbsiya xassələrinin tədqiqi
Mövzunun rəhbəri: professor Oqtay Əkbərov
İcraçı: O.H.Əkbərov
Məqsəd: Malein anhidridi-stirol birgə polimerin çoxatomlu spirtlər və diaminlərlə modi-fikasiyası yolu ilə həll olmayan və funksional qruplar saxlayan tor quruluşlu polimerlərin alınması və onların sorbent kimi istifadə olunma imkanlarının öyrənilməsi
Nəticə: Sintez olunan tor quruluşlu funksional polimerlərin müxtəlif boyaq maddələrin sulu məhluldan çıxarılması üçün istifadə olunması
Təcrübi əhəmiyyəti: Toxuculuq sənayesində tullantı sularindan boyaq maddələrin qalıq-larının çıxarılması üçün praktiki əhəmiyyəti ola bilər
4. Malein anhidridinin üçlü birgə polimerləri əsasında polifunksional sorbentlərin alınması və onların müxtəlif boyaq maddələrinə qarşı sorbsiya xassələrinin tədqiqi
Mövzunun rəhbəri: professor Elçin Əkbərov
İcraçı: E.O. Əkbərov
Məqsəd: Malein anhidridi üçlü birgə polimerlərinin çoxatomlu spirtlər və diaminlərlə modi-fikasiyası yolu ilə həll olmayan və funksional qruplar saxlayan tor quruluşlu polimerlərin alınması və onların sorbent kimi istifadə olunma imkanlarının öyrənilməsi
Nəticə: Sintez olunan tor quruluşlu funksional polimerlərin müxtəlif boyaq maddələrin sulu məhluldan çıxarılması üçün istifadə olunması
Təcrübi əhəmiyyəti: Toxuculuq sənayesində tullantı sularindan boyaq maddələrin qalıq-larının çıxarılması üçün praktiki əhəmiyyəti ola bilər
5. Poliefir həlqəsində iki dördlü azot saxlayan makrosiklik birləşmələrin sintezi və onların sulu məhlullardan anionların seçici ayrılması üçün tədbiqi
Mövzunun rəhbəri: dosent Elgül Abdullayeva
İcraçılar: Magistrantlar
Məqsəd: Funksional əvəzolunmuş oliqomer kraun efirlərin sintezi və onların Azərbaycan lay sularından yodit ionlarının təmizlənməsinin öyrənilməsidir
Nəticə: Poliefir həlqəsində dördlü azot atomu saxlayan oliqomer kraun efirləri benzilləşdirilmə yolu ilə həyata keçirilmiş və alınmış bu oliqomerlərdən istifadə etməklə Azərbaycan lay sularından yodit ionlarının kalonkalı xromatoqrafiya üsulundan istifadə etməklə, selektiv ayrılması öyrənilmişdir
Təcrübi əhəmiyyəti: Təklif etdiyimiz yodit ionlarının xromatoqrafik ayrılma üsulu çox sadə texnoloqiyaya malik olduğu üçün və iqtisadi cəhətdən səmərəliyinə görə böyük praktiki əhəmiyyət kəsb edir, lay sularının seçici ekstraksiyasına əsaslanaraq diazakraun efirlərindən istifadə etməklə, anionların selektiv ayrılmasına imkan yaradır. Bu cəhətdən problemin həlli aktualdı
6. NiCr, ZnAl/LİH, MgAl/LİH, NiZnAl/LİH-lərin, qarışıq oksidlərin və polimerlərin birgə çökdürmə və karbomidlə hidroliz metodları ilə nanokompozitlərinin sintezi
Mövzunun rəhbəri: professor Abdulsəyid Əzizov
İcraçılar: Ofeliya Balayeva
Məqsəd: Sintetik polimerlərlə LİH-lər əsasında nanokompozitlərin alınması və onların sorbsion xassələrinin tədqiqi
Nəticə: Alınmış nanokompozitlərdə boyaq maddələrinin və metal ionlarının sorbsiyası öyrənilmiş, onların effektiv sorbent olduğu aşkar edilmişdir
Təcrübi əhəmiyyəti: Polimer nanokompozitlər üçün aparılan tədqiqatlar sənayedə və elm dünyasında hər zaman öndə gedən tədqiqat mövzusu olmuşdur. Polimer matrisdə nanohissəciklərin homogen paylanması nanokompozitlərin hazırlanmasında ən böyük problemlərdən biridir. Müxtəlif tərkibli laylı ikili hidroksidlərin sintezi və onların polimerlərə nanodoldurucu kimi daxil edilməsi yeni xassəllərə malik nanokompozitlərinin hazırlanması və onların tətbiqinin araşdırılması işin əsas məqsədini təşkil edir
7. Kommersiya və tullantı polimerlər, karbon nanostrukturları və metal-xalkogenid nanohissəcikləri əsasında nanokompozitlərin alınması və tədqiqi
Mövzunun rəhbəri: k.ü.f.d., baş müəllim Elvin Məlikov
İcraçılar: k.ü.f.d., baş müəllim Elvin Məlikov
Məqsəd: Kommersiya polimerləri, tullantı polimerlər, karbon nanostrukturları və metal-xalkogenid nanohissəcikləri əsasında unikal xassələrə və tətbiq imkanlarına malik yeni nanokompozitlərin alınması üçün müxtəlif sintez metodlarının tədqiqi və uyğun metodikanın seçilməsi ilə sintez proseslərinin həyata keçirilməsi, prototiplərin əldə olunması və tədqiqi
Nəticə: Müxtəlif sintez metodlarının tədqiqi və uyğun metodikanın seçilməsi ilə kommersiya polimerləri, tullantı polimerlər, karbon nanostrukturları və metal-xalkogenid nanohissəcikləri əsasında nanokompozitlər alınmış və tədqiq edilmişdir
Təcrübi əhəmiyyəti: Texnologiyanın inkişafının hazırki dövründə unikal xassələrə və tətbiq imkanlarına malik yeni nanokompozit materialların alınması xüsusi əhəmiyyətə malikdir. Sintez edilən materialların komponentlərinin kommersiya əhəmiyyətli olması, tullantı polimerlərə əsaslanması, tərkibində innovativ materiallardan sayılan karbon nanostrukturların və metal-xalkogenid nanohissəciklərinin olması tədqiqatların əhəmiyyəti xeyli artırır. Belə ki, istifadədə olan və ya tullantı şəklində atılan polimer materiallara təkrar tətbiq imkanları verərək təbiəti zərərli tullantılardan qorumaq, eləcə də dünyada hər gün artan insan sayı və artan tələbat fonunda material çatışmazlığının qarşısını almaq və sürətli texnoloji inkişafa dəstək olmaq baxımından bu istiqamətdə aparılan tədqiqatlar böyük əhəmiyyət kəsb edir