İstiqamət: Kompleks xassələrə malik olan əhəmiyyətli birləşmələrin alınmasının sintez metodlarının işlənməsi
1. Nadir-torpaq və keçid metallarının nanohissə-cikləri ilə modifikasiya olunmuş bimetalseolit katalizatorlarının sintezi və onların fiziki-kimyəvi və karbohidrogen xammalının çevrilməsində katalitik xassələrinin tədqiqi
Mövzunun rəhbəri: professor Eldar Əhmədov
İcraçılar: professor Sabit Məmmədov, dosent Taleh Qəhrəmanov, dosent Səkinə Mirzəliyeva, k.e.n. dosent Fuad Kərimli, k.e.n.Xuraman Əzməmmədova
Məqsəd: Nadir-torpaq və keçid metalları ilə modifikasiya olunmuş ZSM-5 seoliti əsasında katalizatorların sintezi və onların iştirakında aşağı keyfiyyətli düz distillə benzini və qazokondensatdan yüksək oktanlı benzin komponentlərinin sintezi
Nəticə: Bimetallık 1% Co 2% Cu 1%B/HZSM-5 katalizatoru qazokondensatın zənginləşməsində daha yüksək aktivlik göstərməklə 380-də oktan ədədi 86,5 olan benzin komponentlərinin alınmasına imkan verir
Təcrübi əhəmiyyəti: Hazırda neft və qazokondensat yataqlarının intensiv işlənməsi ilə əlaqədar olaraq xammalın dərin emalı üçün yüksək səmərəli proseslərin yaradılması və inkişafı aktualdır. Yüngül karbohidrogen xammalından aşağımolekullu olefinlər, arenlər və motor yanacaqlarının alınması prosesləri üçün ən ümidverici olanı ZSM-5 ailəsinin yüksək silisiumlu seolitlərinə əsaslanan katalizatorlardır
2. Müxtəlif molyar kütləli dekstranların sulu məhlullarının fiziki-kimyəvi tədqiqi
Mövzunun rəhbəri: dosent Yaşar Şahverdiyev
İcraçılar: b/m. Kəbirə İskəndərova, b/l. Elmira Nağıyeva, k.ü.f.d Natavan Musayeva
Məqsəd: Sulu məhlullarda molyar və parsial molyar həcmlərin, xüsusi firlatma bucağının, optiki sıxlığın qatılıqdan asılıqlarına, müxtəlif əlaqələrin bu xassələrə təsirinə əsaslanaraq dekstran məhlullarının struktur xüsusiyyətlərinin tədqiqi
Nəticə: .Təcrübi nəticələrin ümumi analizi nəticəsində dekstranın sulu məlullarının duru məhlullar sahəsi (oblastı) müəyyən edilmiş, nisbətən duru məhlullarda (duru məhlullar oblastı) dekstranın eyni makromolekulunun müxtəlif D-qlükoza qalıqıarının hidroksil qrupları arasında yaranan hidrogen rabitələrin vasitəsilə makromolekulanın yumaq forması, qatı məhlullarda isə müxtəlif makromilekulların D-qlükoza qalıqlarının hidroksil qrupları arasında yaranan hidrogen rabitələrinin köməyi ilə məhlulda nisbətən stabil fəza quruluşlu strukturun yaranması göstərilmişdir
Təcrübi əhəmiyyəti: Dekstranlar tibbdə, mikrobiologiyada, farmakalogiyada və s.-də geniş tətbiq olunur
3. Tl2SSnSSb2S3 kvaziüçlü sisteminin fiziki-kimyəvi tədqiqi
Mövzunun rəhbəri: k.e.d. Cəfərov Yasin
İcraçılar: dosent Almaz Mustafayeva , k.ü.f.d. Arzuxanım Mirzəyeva, Sahilə İzzətli
Məqsəd: Tl2SSnSSb2S3 kvaziüçlü sistemində faza tarazlığının tədqiqi
Nəticə Müəyyən edilmişdir ki, likvidus səthi sistemin bütün fazalarının ilkin kristallaşmasına məxsus on iki sahədən ibarətdir və SnS əsasında bərk məhlulların ilkin kristallaşma sahəsi likvidus səthinin praktik olaraq yarısını əhatə edir
Təcrübi əhəmiyyəti: Yeni çoxkomponentli fazaların axtarışı və onların əsasında elektron texnikası materiallarının işlənməsi uyğun sistemlərdə faza tarazlıqlarının təqiqini tələb edir. Bu səbəbdən həmin sistemlərin binar və üçlü birləşmələr saxlayan kvaziüçlü kəsikləri böyük əhəmiyyət kəsb edir, çünki onlarda geniş oblastda bərk məhlulların əmələ gəlməsini gözləmək olar
4. Aşağı molekul kütləli biratomlu spirtlərin seolit tərkibli katalizatorlar üzərində oksidləşməsi
Mövzunun rəhbəri: professor Cəbrayıl Mirzai
İcraçı: professor Cəbrayıl Mirzai
Məqsəd: . Nikel tərkibli seolit sistemlərinin nikel oksid hissəciklərinin ölçülərindən asılı olaraq katalitik xassələrinin dəyişməsinin qiymətləndirilməsi
Nəticə: Müəyyən edilmişdir ki, seolit matrisi onun üzərinə çökdürülmüş nikel nitratın parçalanması zamanı yüksək dispersli nikel oksidinin əmələ gəlməsini təmin edir
Təcrübi əhəmiyyəti: Qələvi metallardan platin qrup metallarına qədər olan müxtəlif element oksidlərinin seolitlərin təkibinə daxil edilməsinin mümkünlüyü yeni, qeyri-ənənəvi mərkəzlərin yaranmasına imkan verməsi