“Unudulmaz faciəsi” adlı tədbir keçirilib
Bakı Dövlət Universitetinin (BDU) Kimya fakültəsinin Tələbə Gənclər Təşkilatının təşkilatçılığı ilə Xocalı soyqırımının 33-cü ildönümünə həsr olunmuş “Unudulmaz faciəsi” adlı tədbir keçirilib. Əvvəlcə Dövlət Himni səsləndirilib, şəhidlərimizin və Xocalı faciəsi qurbanlarının xatirəsi bir dəqiqəlik sükutla yad edilib. Kimya fakültəsinin sosial məsələlər və tələbələrlə iş üzrə dekan müavini Taleh Qəhrəmanov çıxışı zamanı bildirib ki, Xocalı faciəsinin Azərbaycan xalqının tarixində ən dəhşətli hadisə, bəşəriyyətə qarşı yönəlmiş mənfur cinayət olduğunu bildirib. O, qeyd edib ki, Xocalı soyqırımının daha geniş miqyasda tanıdılması hər bir azərbaycanlının müqəddəs borcudur. Baş vermiş bu faciə Ermənistanın məqsədli və düşünülmüş şəkildə həyata keçirdiyi etnik təmizləmə siyasətinin tərkib hissəsidir. Dekan müavini qeyd edib ki, Xocalı soyqırımı qurbanlarının və bütün şəhidlərimizin qisası Müzəffər Ali Baş Komandan İlham Əliyevin rəhbərliyi ilə rəşadətli Ordumuz tərəfindən 44 günlük Vətən müharibəsində və 19 sentyabr 2023-cü ildə keçirilən antiterror əməliyyatı zamanı alınıb, Azərbaycan öz suverenliyini bərpa edib. Fakültənin I kurs tələbəsi Aysu İmanovanın moderatorluğu ilə davam edən tədbirdə çıxış edən 2-ci kurs tələbəsi Fidan Məmmədova bildirilib ki, Xocalı soyqırımı zamanı 613 vətəndaşımız, o cümlədən 106 qadın, 63 uşaq və 70 qoca qətlə yetirilib, 487 dinc sakin ağır yaralanıb, 1275 nəfər girov götürülərək işgəncələrə məruz qalıb. Tədbirdə tələbələri tərəfindən ədəbi-bədi kompozisiya təqdim olunub, vətənpərvərlik ruhunda şeirlər səsləndiriblər. Sonda Xocalı faciəsini əks etdirən etdirən videoçarx nümayiş etdirilib.
