Bakı Dövlət Universiteti Kimya fakültəsi

Kimya fakültəsinin əməkdaşları və tələbələri 27 sentyabr Azərbaycanda Anım Günü ilə əlaqədar II Fəxri xiyabanda şəhidlərin məzarını ziyarət etdi. Vətənimizin müstəqilliyi və ərazi bütövlüyü uğrunda gedən döyüşlərdə həlak olmuş Şəhidlərimizin unudulmaz xatirəsi hörmət və ehtiramla yad edilib. Xalqımıza Qələbə bəxş edən şəhidlərimizin ruhlarına dualar oxundu, məzarları üstünə gül-çiçəklər düzüldü. Ziyarət zamanı şəhid ailələri ilə görüşüb onların övladlarının keçdiyi döyüş yolunun hər bir azərbaycanlı gənc üçün örnək olduğu, qəhrəman, vətənpərvər, ləyaqətli və cəsur oğullar böyüdən valideyinlərlə qürur duyduqları vurğulandı. Şəhidlərimizin öz canlarını vətənimizin azadlığı uğrunda qurban verdiklərini, onların daim bizimlə olduqlarını,hər bir şəhidimizin vətənimizin bir parçasına çevrildiyini söylədilər. 44 günlük Vətən müharibəsində qələbə çalan ordumuzun qəhrəman əsgərlərinin əziz xatirəsinə hörmət və ehtiram göstərmək hər bir Azərbaycan gəncinin borcudur. Azərbaycanın ərazi bütövlüyünün təmin edilməsi uğrunda gedən döyüşlərdə şəhid olmuş bütün şəhidlərimizə Allahdan rəhmət, yaxınlarına isə səbr diləyirik! Əziz şəhidlərimiz ruhunuz şad, məkanınız cənnət olsun! Azərbaycanın şanlı bayrağı, işğaldan azad edilmiş torpaqlarda əbədi dalğalanacaq. Şəhidlik zirvəsinə ucalmış qəhrəman igidlərimizin əziz xatirəsi qəlbimizdə əbədi yaşayacaq!