8 Noyabr Zəfər Günü münasibətilə tədbir keçirildi
-lg.jpg)
8 Noyabr Zəfər Günü münasibətilə KMH001İ qrupunun təşkilatçılığı ilə tədbir keçirilmişdir. Tədbir Azərbaycan Respublikasının Dövlət Himninin səsləndirilməsi, Azərbaycanın müstəqilliyi və zəfəri uğrunda canlarını qurban vermiş şəhidlərin xatirəsinin bir dəqiqəlik sükutla yad etdilməsi ilə başladı. Tədbirdə iştirak edən müəllim və tələbələr 2020-ci ilin 27 sentyabrında başlayan Vətən müharibəsinin, 8 Noyabr Zəfər Gününün, müzəffər Azərbaycan ordusunun qazandığı böyük zəfərin xalqımızın birlik və əzmkarlığının təntənəsi olduğunu qeyd etdilər. Tədbirdə qrupun üzvü olan tələbələrin hazırladığı şeir və ədəbi kompozisiyalar təqdim olundu. Tələbələr Azərbaycanın işğaldan azad edilmiş torpaqlarına, bu zəfər uğrunda mübarizə aparmış qəhrəman şəhidlərimizə olan sevgilərini və ehtiramlarını ifadə etdilər. Tədbirin sonunda təşkilatçılar 8 Noyabr Zəfər Günü ilə bağlı hazırlanan fotoşəkil və video təqdimatlarını nümayiş etdirdilər. Bu təqdimatlarda Vətən müharibəsindəki möhtəşəm döyüşlər, müzəffər ordumuzun qələbə dolu anları və şəhidlərimizin xatirəsi əks olunmuşdu.
