Bakı Dövlət Universiteti Kimya fakültəsi

Bakı Dövlət Universitetinin (BDU) Kimya fakültəsi Tələbə Gənclər Təşkilatı, Tələbə Həmkarlar İttifaqı komitəsi və “Artharmony” klubun təşkilatçılığı ilə Novruz bayramına həsr olunmuş “Bahar bayramı” adlı tədbir keçirilib. Tədbirdə çıxış edən Kimya fakültəsinin dekanı Fuad Kərimli və dekan müavini Taleh Qəhrəmanov Şəhidlərimizin ruhunu ehtiramla yad edərək, qarşıdan gələn bayramı münasibətilə xalqımızı və tədbir iştirakçılarını təbrik edərək bildirmişlər ki, Novruz bayramının milli-mənəvi dəyərlərimizin və adətlərimizin qorunub saxlanmasında özünəməxsus yeri var, bu əlamətdar gün xalqımızın tarixi keçmişinə sarsılmaz tellərlə bağlılığının rəmzidir. Son illər yurdumuza gələn Bahar da başqa bir abu-havadadır. Bu gün Şuşa, Xankəndi, Xocalı, Xocavənd, Laçın, Kəlbəcər, Cəbrayıl, Zəngilan, Ağdam, Füzuli, Qubadlıda - bütün Azərbaycanda qalanan tonqallar bu torpaqlarda arzularımızın çin olmasının simvoludur. Yazın gəlişindən xəbər verən birlik və həmrəylik bayramı olan Novruz bayramının Azərbaycanın tarixi torpağının bir parçası olan Qarabağda qeyd edilməsi uzun illərin həsrətinə son qoymuşdur. İlaxır çərşənbənin və Novruz bayramının mahiyyətində də xalqımızın birliyi, həmrəyliyi dayanmışdır. Ali Baş Komandanın uğurlu siyasəti, qətiyyəti, xalqımızın və dövlətimizin həmrəyliyi nəticəsində Azərbaycan oğulları düşmən tapdağı altında olan torpaqlarımıza yeni nəfəs gətirdi. Baharın gəlişi ilə torpağının hər qarışına yeni nəfəs gələn yurdumuzda - işğaldan azad olunmuş torpaqlarımızda Müzəffər Ali Baş Komandan İlham Əliyevin rəhbərliyi İlə başlanan abadlıq-quruculuq işləri hər birimizdə qürur hissi yaratmış, sevincimizə sevinc qatmışdır. Tədbirdə Kimya fakültəsinin tələbələri Cəlil Ağayev, Asim Gözəlov, Ümid Rəcəbli, Firəngiz Əzizova, Zeynəb Qənbərova, Alim Məmmədov, Səmra Səmədzadə, Günay Əkbərzadə, Firuzə Əbilova, Xədicə Hüseyn, Fatimə Şahbazova, Firuzə Əbilova, Abbas Aslanov, Fərid Hüseynov, Aysel Muxtarlı, Selcan İbrahimova, Aysun Vəliyeva, Zəkiyyə Məmmədova, Dərya Həsənova tərəfindən hazırlanmış müxtəlif musiqilər, rəqslər, əyləncəli səhnələr nümayiş etdirilmiş, Novruz bayramına aid şeirlər səsləndirilmiş, Memati Şirinov tərəfindən hazırlanmış videocarx təqdim olunmuşdur.