Bakı Dövlət Universiteti Kimya fakültəsi

Bakı Dövlət Universitetinin (BDU) Kimya fakültəsi Tələbə Gənclər Təşkilatının (TGT) təşəbbüsü ilə Aprel döyüşlərinin 7-ci ildönümü ilə əlaqədar tədbir keçirilib. Kimya fakültəsinin II kurs tələbəsi Mehriban Ağabəylinin moderatorluğu ilə baş tutan tədbir dövlət himninin səsləndirilməsi və şəhidlərimizin əziz xatirəsinin yad edilməsi ilə başlayıb. Kimya fakültəsinin dekan müavini Taleh Qəhrəmanov bildirdiki ki, Aprel döyüşləri Azərbaycanın hərb salnaməsinə qızıl hərflərlə yazılan Şanlı Vətən müharibəsində Böyük Qələbəyə gedən yolda mühüm əhəmiyyət kəsb edir. Aprel döyüşlərdə düşmən üzərində qazanılan hərbi uğurlar Azərbaycan Ordusunun və xalqının Böyük Qələbəyə inamını artırdı və 44 günlük Vətən müharibəsində Müzəffər Ali Baş Komandan, Prezident İlham Əliyevin rəhbərliyi ilə rəşadətli Azərbaycan Ordusu düşmənə qəti zərbə vuraraq torpaqlarımızı işğaldan azad etdi.

Tədbirdə Kimya fakültəsi Tələbə Gənclər Təşkilatının sədr Əli Qədirli, III kurs tələbəsi Turanə Sadiqi, I kurs tələbəsi Dəniz Seydəliyeva Aprel döyüşlərinin şanlı zəfərin başlanğıcı, qələbənin təməli olduğunu, bu döyüşlərin nəticəsində  Azərbaycanın öz torpaqlarını işğalçı qoşunlardan təmizləmək qüdrətində olduğunu sübuta yetirdiyini və xalqımızın vətənpərvərlik ruhunu alovlandırdığını, Vətən müharibəsində qələbə çalan ordumuzun qəhrəman zabit və əskərlərinin əziz xatirəsinə hörmət və ehtiram göstərmək hər bir Azərbaycan gəncinin borcu olduğunu qeyd ediblər.

Tədbirin sonunda Aprel döyüşlərinə həsr olunmuş videoçarx nümayiş etdirilib.