Bakı Dövlət Universiteti Kimya fakültəsi

20 fevral 2023-cü il tarixində Kimya fakültəsində Üzvi kimya kafedrasının sabiq doktorantı, “Zərif üzvi sintez” elmi tədqiqat laboratoriyası, k.e.i. Aytən Səfərovanın “İki, üç və dördəvəzli pirroların sintezi və xassələrinin tədqiqi” mövzusunda elmi seminarı keçi­rilmişdir.   

Seminarda Səfərova Aytən qeyd etmişdir ki, pirrollar hemoqlobin, xlorofil, bilirubin, bili­verdin  kimi bir çox təbii makrotsikllərin və bəzi dərman maddələrinin tərkib hissəsi oldu­­ğun­dan onların yeni törəmələrinin sintezinə maraq artmışdır. Müxtəlif əvəzli yeni pirrol törə­mə­lərinin sintezi, mühitin və müxtəlif parametrlərin aparılan reaksiyalara təsiri, molekulyar yod, Y(Otf)₃, BF₃ O(C₂H₅)₂ kimi katalizatorların effektivliyi ətraflı müzakirə edilmişdir. Alınmış yeni pirrol törəmələri antimikrob, antifunginal, antivirus xassələri göstərdiyindən tibbdə dər­man, eləcə də optiki elektronika və elektrik sənayesində sensorların və foton­stabili­zator­la­rın hazırlanmasında əvəz olunmaz xüsusi material­lar­ kimi tətbiq oluna bilər.

Aytən Səfərova geniş məruzə ilə çıxış edərək bildirimişdir ki, alınan yeni pirrol törə­mə­lərinin molekulyar dokinq analizləri aparılmışdır, onlar AChE və α-gly fermentlərinin inhi­­bitorları kimi əhəmiyyətli birləşmələrdir. Sonda tədbir iştirakçılarını maraqlandıran sual­lar cavablandırılmış, mövzu ətrafında maraqlı müzakirələr həyata keçirilmişdir.