Bakı Dövlət Universiteti Kimya fakültəsi

Kadr hazırlığı və elmi-tədqiqat sahəsində əməkdaşlıq məqsədi ilə Azərbaycan Respublikası Təhsil Nazirliyinin akademik Əli Quliyev adına Aşqarlar Kimyası İnstitutunun nəzdində Bakı Dövlət Universitetinin Kimya fakültəsinin “Neft kimyası və kimya texnologiyası” kafedrasının filialı fəaliyyət göstərir. Kafedrada aprelin sonuna qədər təcrübə keçəcək Qazaxıstan Mili Tədqiqat Universitetinin Geologiya və neftqaz işi institutunun neft mühəndisliyi üzrə bir qrup magistrantları Aşqarlar Kimyası İnstitutunun laboratoriyalarında həyata keçirilən elmi-tədqiat işləri ilə yaxından tanış olmuşdur.