Bakı Dövlət Universiteti Kimya fakültəsi

16.08.2024-cü il tarixində “Enactus” Azərbaycan Milli Yarışmasının final mərhələsi keçirilib. Bakı Dövlət Universitetinin (BDU) “Enactus” komandası yarışda “AgroX" layihəsi ilə çıxış edib. İkinci liqada yarışan komanda yüksək bal toplayaraq final mərhələsində III yeri tutub. Yarışmada 24 komanda iştirak edib və 3 komanda final mərhələsində yüksək nəticə göstərib. Komandanın tərkibində Kimya fakültəsinin tələbələrindən Günay Kazımova, Nailə Tağıyeva, Nigar İlyasova və Səbuhi Haqverdiyev iştirak etmişdir. Tələbələrimizə bundan sonrakı fəaliyyətlərində uğurlar arzulayır, nailiyyətlərinin davamını diləyirik.