Bakı Dövlət Universiteti Kimya fakültəsi

Kimya fakültəsinin tələbələri Aprel döyüşlərinin 7-cı ildönümü ilə əlaqədar II Fəxri xiyabanda şəhidlərin məzarını ziyarət ediblər. Vətənimizin müstəqilliyi və ərazi bütövlüyü uğrunda gedən döyüşlərdə həlak olmuş Şəhidlərimizin unudulmaz xatirəsi hörmət və ehtiramla yad edilib. Vətən müharibəsində qələbə çalan ordumuzun qəhrəman zabit və əskərlərinin əziz xatirəsinə hörmət və ehtiram göstərmək hər bir Azərbaycan gəncinin borcudur. Azərbaycanın ərazi bütövlüyünün təmin edilməsi uğrunda gedən döyüşlərdə şəhid olmuş bütün soydaşlarımıza Allahdan rəhmət, yaxınlarına isə səbr diləyirik!