Bakı Dövlət Universiteti Kimya fakültəsi

Noyabrın 15-19-da Rusiya Xalqlar Dostluğu Uninversitetində Yuri Struçkovun anadan olmasının 95-ci ildönümünə həsr olunmuş “Üçüncü Struçkovun görüşü- Kimyəvi kristalloqrafiya və struktural biologiya” üzrə Beynəlxalq konfrans keçirilmişdir. Konfransda BDU-nun Neft kimyası və kimya texnologiyası kafedrasının müdiri, professor İbrahim Məmmədov “Konformasional mobil molekulların tədqiqində NMR və RQA metodlarının rolu” mövzusunda çıxış etmişdir. Konfransın işində 14 ölkədən (Rusiya, ABŞ, Fransa, Yaponiya, İsveç, İsveçrə, Portuqaliya, Finlandiya, Belçika, Hindistan, Çin, Azərbaycan, Belarus, Moldova) 95 çıxış dinlənilmişdir.