Bakı Dövlət Universiteti Kimya fakültəsi

2 fevral – Gənclər Günü münasibətilə Bakı Dövlət Universiteti (BDU) Kimya fakültəsi Tələbə Gənclər Təşkilatının (TGT) təşkilatçılığı ilə tədbir keçirilib. Tədbir çərçivəsində təşkilatın idarə heyətinin üzvləri fəal ictimai fəaliyyətlərinə, universitetin və fakültənin ictimai həyatında yaxından iştiraklarına və gənclər siyasətinin həyata keçirilməsinə verdikləri töhfələrə görə təltif olunublar. Tədbirdə çıxışlar zamanı Azərbaycan gəncliyinin ölkənin gələcəyinin formalaşmasında mühüm rol oynadığını vurğulayıb, tələbə gənclərin elmə, ictimai fəaliyyətə və sosial təşəbbüslərə marağının sevindirici hal olduğunu qeyd ediblər. Bildirilib ki, universitet daxilində fəaliyyət göstərən tələbə təşkilatları gənclərin liderlik bacarıqlarının inkişafında və vətəndaş mövqeyinin formalaşmasında xüsusi əhəmiyyət daşıyır.