Bakı Dövlət Universiteti Kimya fakültəsi

Kimya fakültəsində Neft kimyası və kimya texnologiyası kafedrasının nəz­din­də olan “Alkenilfenollar kimyası” elmi-tədqiqat laboratoriyasının elmi iş­çisi, kimya üzrə fəlsəfə doktoru Günay Mehdiyevanın təqdimatında “Alke­nil­əv­əzli 1,3-benzoksazinlərin və onların törəmələrinin sintezi və tədqiqi” möv­zu­sunda Elmi seminarı keçirilmişdir.

Seminarda Günay Mehdiyeva alkeniləvəzli 1,3-benzoksazinlərin sin­te­zi və on­ların antimikrob, korroziya inhibitoru kimi xassələri, neftçıxarmada sulfat­re­duk­siyaedici bakteriyaların qarşısını alan reagentlər kimi, eləcə də onlar əsasında xətti və tikili polimerlərin alınması və onların tətbiq sahə­lə­ri­nin araşdırılması barədə ətraflı məlumat verilmişdir.

Günay Mehdiyeva onu da qeyd etmişdir ki, seminarın mövzusuna aid tədqiqatların nəticələri beynəlxalq indeksləşmiş jurnallarda dərc olunmuşdur. Həmçinin aparılan işlərə dair 2 sınaq aktının əldə olunduğu qeyd edilmişdir. 

Seminarın sonunda tədbir iştirakçılarını maraqlandıran suallar ca­vab­­­landırılmış, mövzu ətrafında maraqlı müzakirələr keçirilmişdir.