Bakı Dövlət Universiteti Kimya fakültəsi

Bakı Dövlət Universitetinin Kimya fakültəsində Heydər Əliyevin anadan olmasının 103-cü ildönümünə həsr olunmuş tədbir keçirilib. Tədbir YSKM-25 qrupu və ingilis dili müəllimi  dosent Gülşən Məhərrəmovanın təşkilatçılığı ilə baş tutub. Tədbirdə universitetin yerli və xarici tələbələri iştirak edərək, dahi şəxsiyyətin həyat və fəaliyyətinə həsr olunmuş çıxışlar, təqdimatlar, videoçarxlar və müxtəlif proqramlarla yadda qalan anlar yaşayıblar. Bu gün Heydər Əliyev irsinin yaşadılması, onun dövlətçilik ideyalarının gələcək nəsillərə çatdırılması və milli ruhun gücləndirilməsi baxımından bu kimi tədbirlər xüsusi əhəmiyyət kəsb edir. Dahi liderin xatirəsi daim ehtiramla anılır və onun zəngin siyasi irsi gənclər üçün bir yol xəritəsi olaraq qalır. Tədbirin keçirilməsində əməyi keçən hər kəsə təşəkkür edirik.