Bakı Dövlət Universiteti Kimya fakültəsi

Kimya fakültəsinin əməkdaşları və tələbələri Aprel Zəfərinin 8-ci ildönümü ilə əlaqədar II Fəxri Xiyabanda şəhidlərin məzarını ziyarət etdi. Vətənimizin müstəqilliyi və ərazi bütövlüyü uğrunda gedən döyüşlərdə həlak olmuş şəhidlərimizin unudulmaz xatirəsi hörmət və ehtiramla yad edilib. Xalqımıza qələbə bəxş edən şəhidlərimizin ruhlarına dualar oxundu, məzarları üzərinə gül-çiçəklər düzüldü. Şəhidlərimizin keçdiyi döyüş yolu gələcək nəsillər üçün nümunədir. Vətən uğrunda canını fəda edən qəhrəmanların ölməz xatirəsi əbədi olaraq xalqımızın yaddaşında yaşayacaq, onların xatirəsi dövlətimiz tərəfindən daim uca tutulacaqdır. Gənclər arasında milli-mənəvi dəyərləri tərənnüm etmək, tələbələrin vətənpərvərlik ruhunda tərbiyə işlərinin davamlı olması əsas hədəflərimizdən biridir. Əziz şəhidlərimiz ruhunuz şad, məkanınız cənnət olsun! Azərbaycanın şanlı bayrağı işğaldan azad edilmiş torpaqlarda ən uca zirvələrdə əbədi dalğalanacaq. Şəhidlik zirvəsinə ucalmış qəhrəman igidlərimizin əziz xatirəsi qəlbimizdə əbədi yaşayacaq!