Bakı Dövlət Universiteti Kimya fakültəsi

27 fevral 2025-ci il tarixində Kimya fakültəsinin Elmi Şurasının iclası keçirilmişdir. Sədr Fuad Kərimli Elmi Şuranın gündəliyini Şura üzvlərinin diqqətinə çatdırdı. Elmi Şurada elmi-tədqiqat laboratoriyalarında strukrur islahatlarının aparılması müzakirə edildi. Təklif olundu ki, “Metal kompleks katalizatorları” və “Qeyri-üzvi materialşünaslıq” elmi-tədqiqat laboratoriyalarının bazası əsasında “Kataliz və qeyri-üzvi sintez” elmi-tədqiqat laboratoriyasın yaradılsın və bu haqda Böyük Elmi Şurasının qarşısında vəsadət qaldırılsın. Həmçinin iclasda Azərbaycan Respublikasının Elm və Təhsil Nazirliyinin Akademik Y.H.Məmmədəliyev adına Neft-Kimya prosesləri İnstitutu, akademik M.F.Nağiyev adına Kataliz və Qeyri-üzvi Kimya İnstitutu, ARDNŞ Neft-qaz elmi-tədqiqat layihə İnstitutu və Kimya fakültəsinin Fiziki və kolloid kimya kafedrasında elmi-tədqiqat işləri yerinə yetirəcək SABAH qrupunun 14 nəfər I kurs magistrantlarının dissertasiya mövzuları və elmi rəhbərləri təsdiq edildi.