Bakı Dövlət Universiteti Kimya fakültəsi

Bakı Dövlət Universitetinin (BDU) Tələbə Gənclər Təşkilatı (TGT) tərəfindən Qarabağın Xankəndi və Şuşa şəhərlərinə təşkil olunan ekskursiyada Kimya fakültəsinin tələbələri fəal iştirak ediblər. Səfər çərçivəsində tələbələr ilk olaraq Xankəndi şəhərində yerləşən Qarabağ Universitetini ziyarət edib, daha sonra şəhərin simvollarından biri olan Zəfər tağı ilə tanış olublar. Ekskursiya zamanı iştirakçılar bölgədə həyata keçirilən yenidənqurma və inkişaf proseslərini yaxından müşahidə etmək imkanı əldə ediblər. Səfərin davamında tələbələr Şuşa şəhərinə yollanaraq Şuşa qalasını, Cıdır düzünü və şəhərin digər tarixi-mədəni məkanlarını ziyarət ediblər. Qarabağın zəngin tarixi, mədəni irsi və təbii gözəllikləri tələbələrdə dərin təəssürat yaradıb.