Bakı Dövlət Universiteti Kimya fakültəsi

Bakı Dövlət Universiteti (BDU) Kimya Fakültəsi nəzdində fəaliyyət göstərən "CEC" ingilis dili klubunun "Let's talk about movies" adlı növbəti təlimi keçirilmişdir. Klubun əsas məqsədi tələbələrin ingilis dilini səviyyələrini yüksəltməklə yanaşı onların dünyagörüşünün inkişafına dəstək olmaqdır. Təlim zamanı klub sədri Ulduz Qocayeva təlimdə bir sıra məşhur filmlər haqqında məlumat vermişdir. Təlim iştirakçıları ilə birlikdə filmlər və onların janrları haqqında qarşılıqlı müzakirələr aparılmışdır. Slaydlarda "La la land", "Fight club", "Harry Potter", "Conjuring", "Matrix", "Green mile", "The Grand Budapest hotel" və s. kimi filmlər haqqında maraqlı məqamlar qeyd olunmuşdur. Klubun fəaliyyəti nəticəsində tələbələr maraqlı faktlar əldə etməklə yanaşı, ingilis dilində danışıq qabiliyyətlərini inkişaf etdirmişdir. Sonda təlim iştirakçıları ilə birlikdə xatirə fotosu çəkilmişdir.