Bakı Dövlət Universiteti Kimya fakültəsi

Bakı Dövlət Universitetinin (BDU) Kimya fakültəsinin Analitik kimya kafedrasının "Kimyəvi ekspertiza" ixtisaslaşması üzrə təhsil alan magistrantları Azərbaycan Respublikası Ədliyyə Nazirliyinin Məhkəmə Ekspertizası Mərkəzində istehsalat təcrübəsi keçirlər. Təcrübə müddətində magistrantlar Mərkəzin kimya şöbəsində aparılan ekspertiza prosesləri ilə yaxından tanış olurlar. Onlar burada narkotik vasitələrin və digər kimyəvi maddələrin analizi metodlarını, həmçinin müasir fiziki-kimyəvi analiz üsullarını dərindən öyrənirlər. Praktikantlar iş prosesində İnfraqırmızı (İQ) spektrometr, xromato-kütlə spektrometri və digər yüksək texnologiyalı cihazlarla tanış olur, maddələrin identifikasiyası və tədqiqi sahəsində praktiki vərdişlərə yiyələnirlər. Müasir analiz metodlarının tətbiqi magistrantların böyük marağına səbəb olmuşdur.