Bakı Dövlət Universiteti Kimya fakültəsi

Kimya fakültəsinin Neft kimyası və kimya texnologi­yası kafedrasının “Alkenilfenollar kimyası” ETL-nın müdiri, kafedranın professoru Bayramov Musa Rza oğ­lu­nun 2023-cü il mart ayının 4-də 85 yaşı tamam olur.

Musa Bayramovun elmi fəaliyyəti 1965-ci ildə BDU-nun kimya fakültəsini bitirdikdən sonra 1965-1969-cu il­lər­­də AMEA-nın Neft-Kimya Proses­lə­ri İnstitutu, 1969-cu ildən isə Bakı Dövlət Universiteti ilə bağlı olmuşdur. O, 1969-cu ildən Neft-kimyası və kimya texnolo­gi­yası ka­fed­ra­sının dosenti, 1979-2019 illərdə kafedra müdiri vəzifəsində çalışmışdır.

Onun əsas elmi yara­dı­cı­lı­ğı polifunksional monomerlər olan alkenilfenolların sintezi, onlar əsasında reaksi­ya­yaqabil oliqomer və polimerlərin, kompozisiya materiallarının alınması ilə bağlıdır. Elmi-pedaqoji fəaliyyətinin nəticəsi olaraq onun 500-dən çox elmi əsəri, o cümlədən 60 müəlliflik şəhadətnaməsi, 16 dərslik və vəsaiti, 3 mono­qra­fi­ya­sı işıq üzü görmüş, rəhbərliyi ilə 25 kimya üzrə fəlsəfə doktoru və elmlər doktoru müdafiə etmişdir.

Musa Bayramov BDU-nun 90 illiyi ilə əlaqədar Azərbaycan Respublikası Prezidenti İlham Əliyevin sərəncamı ilə “Əməkdar Elm Xadimi” fəxri adına layiq görülmüşdür.

Bayramov Musa Rza oğlunun 50 ildən çox elmi-pedaqoji fəaliyyəti və 85 yaşının tamam olması münasibət   ilə  kimya fakültəsinin kollektivi adından təbrik edir, can sağlığı, yeni-yeni uğurlar arzu edirik.