Bakı Dövlət Universiteti Kimya fakültəsi

Peşəkar təlimçi Aytəkin Aslan təlimə "Məntiqi oyun" ilə başlayıb. Oyun müddətində tələbələrə müxtəlif məntiq testləri təqdim edilmiş, tələbələrin cavablarına əsasən isə zehni potensialları qiymətləndirilmişdir. Daha sonra isə "Beyin fəaliyyətlərinin işləmə mexanizmi", “Hormonların fəaliyyətlərə və yaddaşa təsiri", "Beyin yarımkürələrinin inkişafı və gündəlik həyatda rolu", “Yaddaş texnikaları" və "Yaddaşımızın inkişafı üçün Beyin xəritələrindən istifadə", “Öyrənmə istəksizliyini aradan qaldırmaq üçün metodlar" kimi mövzular ətrafında geniş müzakirələr aparılmışdır. Təlimin sonunda tələbələrlə birgə "İmtahan stresini necə azaltmaq olar?", "İmtahana necə əlverişli hazırlaşmaq olar?" kimi suallar ətrafında interaktiv müzakirə aparılmışdır. Təlim xatirə şəklinin çəkilməsi ilə yekunlaşmışdır.