Bakı Dövlət Universiteti Kimya fakültəsi

Bakı Dövlət Universiteti SABAH qruplarının Kimya müəllimliyi ixtisasının üçüncü kurs tələbəsi Arzu Süleymanovanın 18 dekabr 2020-ci il tarixindən başlatdığı “Torpağımızın əmanətləri” kompaniyası uğurla davam etdirilir.  Kimya fakültəsinin Tələbə Elmi Cəmiyyətinin sədri İsa İsayev və  fakültə tələbələrinin şəhid ailəsi ilə növbəti görüşü keçirilib. Şəhidimiz Ataməli Musaoğlunun Vətənə əmanət qalan yeganə 3 yaşlı qızı Gülü ziyarət ediblər. Anası və atasına mənəvi dəstəklərini göstərərək, onların Vətənə yetişdirdiyi savadlı, vətənpərvər, mübariz oğulları üçün minnəttarlıqlarını ifadə ediblər. Şəhidimizin qızı Güllə vaxt keçirib ona qayğıyla yanaşmış, müxtəlif geyim və hədiyyələrlə sevindirməyə çalışaraq doğma qızımız kimi sevgimizi hiss etdiriblər.

Allah şəhidlərə rəhmət eləsin!