Bakı Dövlət Universiteti Kimya fakültəsi

Bakı Dövlət Universiteti (BDU) Kimya fakültəsi Tələbə Həmkarlar İttifaqı Komitəsinin (THİK) idarə heyəti üzvləri 26 Fevral — Xocalı Soyqırımının 34-cü ildönümü ilə əlaqədar olaraq Ana Harayı abidəsini ziyarət ediblər. Ziyarət zamanı faciə qurbanlarının əziz xatirəsi dərin ehtiramla yad olunub, abidə önünə gül dəstələri düzülüb. Qeyd olunub ki, bu cür ziyarətlər Xocalı həqiqətlərinin unudulmaması, tarixi yaddaşın qorunması və gənc nəslin vətənpərvərlik ruhunda formalaşması baxımından böyük əhəmiyyət daşıyır.