Bakı Dövlət Universiteti Kimya fakültəsi

Azərbaycan Respublikası Elm və Təhsil Nazirliyinin akad. Ə.Quliyev adına Aşqarlar Kimyası İnstitutu (AKİ) elm və təhsilin inteqrasiyası istiqamətində Bakı Dövlət Universiteti (BDU) ilə sıx əməkdaşlıq edir. Bu əməkdaşlığın bir istiqaməti kimi 16 fevral 2023-cü il tarixdən başlayaraq BDU-nun Kimya fakültəsinin IV kurs tələbələri bu elmi-tədqiqat müəssisəsinin laboratoriyalarında tədris-istehsalat təcrübəsi keçirlər.

Tələbələr təcrübə müddətində ayrı-ayrı qrup şəklində institutun laboratoriyalarında cihaz və avadanlıqların iş prinsipləri, müasir fiziki-kimyəvi analiz üsulları ilə tanış olur, bəzi təcrübələri yaxından izləyirlər. Təcrübə dövründə tələbələr onlar üçün hazırlanmış proqrama əsasən, institutun elmi işçiləri tərəfindən elmi-tədqiqat işlərinə cəlb olunuraq öyrəndikləri nəzəri bilikləri real iş şəraitində tətbiq edirlər.