Tələbələrimiz "Milla" süd məhsulları zavodunda

24 Oktyabr 2022 10:00

21.10.2022-ci il tarixində Bakı Dövlət Universiteti Kimya fakültəsi Tələbə Həmkarlar İttifaqı Komitəsinin təşəbbüsü ilə tələbələrimiz "Milla" süd məhsulları zavodunu ziyarət ediblər.

Tələbələr südün emalı və qablaşdırılması prosesi ilə tanış olublar. Ultra-yüksək temperaturda pasterizə edilmiş süd və süd məhsulları qablaşdırılması prosesi izah olunub. Zavodda müxtəlif çeşidli süd və süd məhsullarının istehsal prosesi bağlı məlumatlar verilib. Zavodda ağartı məhsullarının tərkibinin və keyfiyyətinin standartlara uyğunluğunu müəyyənləşdirən müasir laboratoriya ilə tələbələr tanış olublar.

Sonda isə zavodun fəaliyyəti ilə bağlı tələbələrə təqdimat nümayiş etdirilib. Nümayiş interaktiv şəkildə və qarşılıqlı fikir mübadiləsi əsasında aparılıb. Tələbələrin sualları cavablandırılıb.