Bakı Dövlət Universiteti Kimya fakültəsi

Bakı Dövlət Universitetinin (BDU) Kimya fakültəsinin Tələbə Gənclər Təşkilatı (TGT) və CareerPlus klubunun birgə əməkdaşlığı çərçivəsində tələbələr üçün “Təqdimat və Natiqlik Bacarıqları” mövzusunda maarifləndirici tədbir təşkil olunub. Görüşün qonağı Rəfiqə Nurəliyeva olub. O, ABB-nin işəgötürən brendi və daxili kommunikasiya şöbəsinin baş mütəxəssisi kimi öz təcrübəsini iştirakçılarla bölüşüb. Tədbir zamanı təqdimat hazırlama texnikaları, auditoriya qarşısında çıxış etmə qaydaları, effektiv kommunikasiya üsulları və özünə inamın artırılması kimi mövzular ətrafında geniş müzakirələr aparılıb. İştirakçılar həm nəzəri biliklər əldə edib, həm də praktiki nümunələr üzərindən öyrənmək imkanı qazanıblar. Sonda tələbələrin sualları cavablandırılıb və aktiv iştirakçılara təşəkkür edilib.