"Unutmayaq - Unutdurmayaq" adlı tədbir keçirilib
Kimya, Mexanika-Riyaziyyat və Beynəlxalq Münasibətlər və İqtisadiyyat fakültələri Könüllülərinin birgə təşkilatçılığı ilə Xocalı faciəsinin ildönümünə həsr olunmuş "Unutmayaq - Unutdurmayaq" adlı tədbiri keçirilib. Tədbir Azərbaycan Respublikasının Dövlət Himinin səsləndirilməsi, Xocalı faciəsində, Vətən müharibəsində şəhid olmuş həmvətənlərimizin, qardaş Türkiyə Respublikasında zəlzəlzə zamanı həyatını itirmiş insanların xatirəsinin 1 dəqiqəlik sükutla yad edilməsi ilə başlayıb. Tədbirdə Mexanika-Riyaziyyat fakültəsinin elmi işlər üzrə dekan müavini Şirmayıl Bağırov, Beynəlxalq Münasibətlər və İqtisadiyyat, Kimya fakültələrinin Sosial məsələlər və tələbələrlə iş üzrə dekan müaviniləri Kənan Vəkilov, Taleh Qəhrəmanov çıxış edərək Xocalı faciəsinin xalqımıza qarşı ermənistan silahlı qüvvələri və onların havadarları tərəfindən məqsədli olraq törədilmiş soyqırım aktı olduğunu bildirdilər, bu faciəli hadisənin yaranma səbəbləri, 44 günlük Vətən müharibəsində qazanılmış tarixi qələbə haqqında ətraflı məlumat verdilər və tələbələri xalqımıza qarşı törədilmiş faciələri unutmamağı, informasiya müharibəsində beynəlxalq arenalarda erməni yalanlarnin ifşa olunmasında aktif iştirak etməyə dəvət etdilər. Tədbirdə Xocalı faciəsinə həsr olunmuş videoçarx nümayiş olunub, könüllülər tərəfindən Xocalı qətliamına həsr olunmuş çıxışlar edilib, şeirlər və "Cənab Leytenant" mahnısı səsləndirilib.
