Bakı Dövlət Universiteti Kimya fakültəsi

24.12.2024-cü il tarixində Bakı Dövlət Üniversitetinin Kimya fakultəsi Üzvi kimya kafedrasının sabiq doktorantı Babazadə Əliyar Ələddin oğlunun "Dixlordiazadienlər əsasında α-ketoturşu efirlərinin aril hidrozo törəmələrinin sintezi və tədqiqi" mövzusunda elmi seminarı keçirilmişdir. Tədbiri giriş sözü ilə açıq elan edən dekan müavini k.e.d., dos. Farid Nağıyev, kafedra müdiri akademik Abel Məhərrəmov iştirakçıları salamlamış, kafedrada aparılan elmi işlər, qarşıda duran məsələlər haqqında ətraflı məlumat vermişdir. Daha sonra Əliyar Babazadə Sintez edilmiş dixlordiazadienlər əsasında α-keto efirlərin arilhidrazo törəmələrinin sintezi, quruluş xüsusiyyətləri və bəzi çevrilmə reaksiyalarının tədqiqi,amidinium duzlarının alınması və reaksiya mexanizmi haqqında məlumat verdi. Eyni zamanda sintez edilmiş birləşmələrin monokristallarının Rentgen Quruluş Analizi vasitəsilə təsdiq olunmuş quruluşlarını şərh etdi. Kristal quruluşların vizual analizi, yəni Hirşfeld analiz metodu ilə qeyri kovalent əlaqələrin kristalın formalaşmasında rolu haqqında məlumat verdi. Alınan birləşmələrin dərman xüsusiyyətləri müəyyən edilmişdir. Seminar iştirakçılarının qarşılıqlı müzakirəsindən sonra sualların cavablandırılması ilə tədbir yekunlaşdırılmışdır.