Üzvi kimya kafedrasında elmi seminar keçirildi
11.12.2024-cü il tarixində Bakı Dövlət Üniversitetinin Kimya fakultəsinin Üzvi kimya kafedrasının sabiq doktorantı Abdullayeva Afaq Ayaz qızının “4-azido-2,5-diaril-2H-1,2,3-triazolların sintezi və bioloji aktiv birləşmələr kimi tədqiqi” mövzusunda elmi seminarı keçirilmişdir. Tədbiri giriş sözü ilə açıq elan edən dekan müavini Fərid Nağıyev, doktorantın elmi rəhbəri akademik Abel Məhərrəmov iştirakçıları salamlamış, kafedrada aparılan elmi işlər, qarşıda duran məsələlər haqqında ətraflı məlumat vermişdir. Daha sonra Afaq Abdullayeva 4-azido-2,5-diaril-2H-1,2,3-triazolların sintezi və bioloji aktivliklərinin proqnozlaşdırması haqqında, həmçinin reaksiya mexanizmini, eyni zamanda sintez edilmiş birləşmələrin monokristallarının Rentgen Quruluş Analizi vasitəsilə təsdiq olunmuş quruluşlarını şərh etdi. Kristal quruluşların Hirşfeld analiz metodu ilə qeyri kovalent əlaqələrin kristalın formalaşmasında rolu haqqında məlumat verdi. Seminar iştirakçılarının qarşılıqlı müzakirəsindən sonra sualların cavablandırılması ilə yekunlaşdırılmışdır.
