Bakı Dövlət Universiteti Kimya fakültəsi

Mədəniyyət Nazirliyinin təşkilatçılığı ilə Bakı Ekspo Mərkəzində VII Bakı Beynəlxalq kitab sərgisi başlayıb. Artıq ənənəvi hal alan builki beynəlxalq kitab sərgisi dahi Azərbaycan şairi və mütəfəkkiri Nizami Gəncəvinin 880 illiyinə həsr olunub.

Sərgidə Bakı Dövlət Universiteti (BDU) öz nəşrlərini, son üç ildə çap olunmuş kitab və jurnallarını nümayiş etdirir. 300 addan çox kitabla təmsil olunan BDU-nun stendində Universitetin professor-müəllim heyətinin müəllifi olduğu və beynəlxalq nəşriyyatlarda çap edilən kitablar da sərgilənir.

10 oktyabr 2021-ci il tarixində Kimya fakültəsinin tələbələri VII Bakı Beynəlxalq kitab sərgisində iştirak etdilər. Tələbələrimiz sərgidə müxtəlif kitablarla və onların müəllifləri ilə görüşdü. Sərgidə tələbələrimiz tərəfindən yeni kitablar alındı.