Yüksəkmolekullu birləşmələr kimyası kafedrasında elmi seminar keçirildi
11.12.2024-cü il tarixində Bakı Dövlət Universitetinin Kimya fakultəsinin Yüksəkmolekullu birləşmələr kimyası kafedrasının sabiq doktorantı Əliyev Əlibala Rasim oğlunun “Development of a Bentonite Nanoparticle-Based Transdermal Drug Delivery System for Burn Wound Infection Prevention” mövzusunda elmi seminarı keçirilmişdir. Tədbiri giriş sözü ilə açan elmi işlər üzrə dekan müavini Farid Nağıyev iştirakçıları salamlamış, kafedralarda görülən işlər və elmi seminarların əhəmiyyəti haqqında ətraflı məlumat vermişdir. Elmi seminarda Əliyev Əlibala son illər bentonit əsaslı yeni nanokompozitlərin sintezi və xüsusiyyətlərinin öyrənilməsi barədə geniş məlumat vermişdir. Seminar iştirakçılarının qarşılıqlı müzakirəsindən sonra sualların cavablandırılması ilə yekunlaşmışdır.
