Bakı Dövlət Universiteti Kimya fakültəsi

Bu gün Bakı Dövlət Universitetinin əməkdaşlarının və tələbələrinin dərin hörmətini qazanmış, Kimya fakültəsinin "Zərif üzvi sintez" ETL aparıcı elmi işçisi Zara Əli qızı Məmmədova 95 illik yübileyidir. Bakı Dövlət Universiteti Kimya fakültəsi "Zərif üzvi sintez" ETL aparıcı elmi işçisi Zara Əli qızı Məmmədova 17 dekabr 1929-cu ildə Moskva şəhərində anadan olmuşdur. 1947-ci ildə Bakı şəhəri, Səbail rayonu 134 saylı orta məktəbi bitirib Azərbaycan Dövlət Universitetinin (indiki BDU-nun) kimya fakültəsinə daxil olub. 1952-ci ildə Azərbaycan Dövlət Universitetinin Kimya fakültəsini kimyaçı-müəllim ixtisası üzrə bitirmişdir. 1956-cı ildə «Tsikloparafinlərin olefinlərlə alkilləşməsi» mövzüsunda namizədlik dissertasiyasını müdafiə edərək, kimya elmləri namizədi alimlik dərəcəsi adı alıb. 1956-cı ildə Azərbaycan Dövlət Universiteti (indiki BDU) Kimya fakültəsi, üzvi kimya kafedrasının assistenti, 1958-ci ildə Azərbaycan Dövlət Universiteti (indiki BDU) Kimya fakültəsi, üzvi kimya kafedrasının müəllimi, 1961-2023-cü illərdə Bakı Dövlət Universiteti Kimya fakültəsi, Üzvi kimya kafedrasının dosenti işləmişdir. 2023-cü ildən Bakı Dövlət Universiteti Kimya fakültəsi "Zərif üzvi sintez" ETL aparıcı elmi işçisidir. Onun rəhbərliyi ilə “Kükürd və azotüzvi birləşmələr-korroziya əleyhinə əlavələr, tio-klayzen gruplaşması” mövzusunda elmi tədqiqiat işi yerinə yetirilir. Zara xanım uzun illərdır davamlı olaraq kimyaçılar nəslinin yetişməsinə öz töhfəsini verməkdədir. O, nümunəvi davranışı, pedaqoji ustalığı, nizam-intizamı ilə tələbələrin və kimya fakültəsinin kollektivinin dərin hörmətini qazanmışdır. Zara xanım Məmmədovanın rəhbərliyi ilə 2 elmər namizədi hazırlanıb. Elmi fəaliyyətində müxtəlif metalların korroziyasının qarşısını alan birləşmələr sintez etmişdir. «Metalüzvi birləşmələr», «Həyat fəaliyyətinin kimyəvi əsasları», “Üzvi kimya” ixtisaslarında bakalavr və magistr işlərinə rəhbərlik edib. Respublika və xarici ölkələrin elmi mətbuatında dərc olunmuş 90-dan çox elmi işin, 15 müəlliflik şəhadətnaməsidir müəllifidir. Xarici ölkələrdə keçirilmiş nüfuzlu Beynəlxalq elmi konfranslarda məruzələrlə çıxış etmişdir. Hörmətli Zara xanımı Kimya fakültəsinin kollektivi adından doğum günü münasibətilə təbrik edir, can sağlığı və fəaliyyətində yeni-yeni nailiyyətlər arzu edirik.